HAU HAKARAK HADOMI Ó HO HAU NIA JEITO

HAU HAKARAK HADOMI Ó HO HAU NIA JEITO

Tempu eskola ho istoria foun ba domin nian,
Hau trauma tebes, bainhira simu ó nia domin,
Tanba hau sei hakanek ó nia fuan.
Maibe, hau la bosok hau nia an,
Katak hau mos hadomi ó.

Domin ne'ebe konsege hamurak hau moris,
Tanba lakon ona esperansa ba domin,
Ó mai ho esperansa foun,
Halo hau nia fuan funan tebes.

Amor...
Hau hakarak hadomi ó tuir hau nia jeito!
Kuandu domin ne’e katak prezensa,
Ó lalika mai hasoru hau.
Amor, kuandu domin tenki fo,
Ó lalika fo buat ida mai hau.
Amor, kuandu domin tenki moris hamutuk,
Ó lalika moris ho hau.

Hau tauk, ó tanis,
Hau tauk, ó moras,
Hau tauk, ó lakon,
Hau tauk, ó husik hau mesak.
Hau hakarak dehan, ohin no to'o bainhira deit, hau sei hadomi nafatin ó!

Hau hakarak hadomi ó ho hau nia jeito,
Hadomi ó iha hau nia nonok,
Hanesan domin fulan nakonu iha Junho.
Nonok maibe fo murak naroman ba ita nia rai doben,
Ba ó, e ba hau ne’ebe nonok tebes iha ne’e,
Hau hadomi tebes ó amor!

Amor …
Loron ultrapassa dadaun,
Tinan ida, aumenta ba rua, depois tolu ba hat, murak tebes loron ida ba ida.
Husik hau kaer metin ó nia liman amor,
Hodi hateke ó nia matan ho domin ne’ebe nakonu tebes,
Hakuak metin ó hodi bisik ba ó katak, Hau Hadomi Ó!